Hlutföllin

Það má vera að varnir Exista hafi verið 'eðlilegar' séð frá Exista. En bankakerfið í heild og þá einnig eigendur þeirra voru bara vaxnir íslensku krónunni langt yfir höfuð. Svona 12 falt eða svo. Það er nú málið...

„Exista stundaði ekki spákaupmennsku"

Ríkið stendur ekki undir henni...

Almenningur er hins vegar talin þola verðtrygginguna bara vel. En það er sem sagt komið í ljós að ríkið stendur ekki undir samningum sem bundnir eru vísitölu.

Hætt við vísitölutengingu í búvörusamningum

Jafnræði!!!!

Það er allt á útopnu við að bjarga mönnum sem skulduðu nógu mikið frá skuldum sínum. Það eru lagðir peningar í að bjarga sparnaði þeirra sem áttu mikið af honum. Og nú vilja menn bjarga þeim sem aka um á dýrum bílum sem hlunnindum. En hvenær kemur að því að hugsa um litla manninn.

Bílgreinasambandið mótmælir erindi ríkisskattstjóra

Fréttamennska

Af hverju eru fréttamiðlar þessa lands enn þann dag í dag alveg lausir við gagnrýni þegar kemur að viðskiptalífinu. Sem hefur sett okkur á hausinn. Það vottar ekki fyrir gangrýni hjá þessum aðilum. Er eitthvað fréttnæmt við að hagnaður Marel aukist mikið milli tímabila í íslenskum krónum eins og gengið hefur breyst. Svo hleypur fólk til og hampar þessum fyrirtækjum. Og jafnvel fjárfestir í þeim, á kolröngum forsendum.

942 milljóna hagnaður hjá Eyri

En ekki hvað....

Það er bannað að versla erlendann gjaldeyri. Lögmálið um framboð og eftirspurn er ekki virkt. Þetta er svona eins og bjóða einn líter af mjólk til sölu á uppboði á dag fyrir alla þjóðina. Verðið hækkar.

Fleyting gekk framar vonum

Maðurinn er seðlabankastjóri, er það ekki ?

Og seðlabankastjórar hlaupa ekki um allt og blaðra út og suður og láta öðrum eftir að túlka það, of eða van. Seðlabankastjórar eru varir um sig. Tjá sig af öryggi og skýrt. Ef seðlabankastjórar geta þetta ekki. Eiga þeir að gera eitthvað annað en stjórna seðlabönkum þjóða.

Davíð: Of mikið gert úr ummælum

Þá er það komið...

Ástæðan fyrir því að ekkert er hægt að gera vegna hækkandi skulda almennings er sú að það á að leggja ofurkapp á að afskrifa með öllum tiltækum ráðum skuldir fyrirtækja. Þá gildir einu hversu gáfulegar þær hafi verið á sínum tíma.

Og það sem meira er lífeyrissjóðirnir sem ekki þola að slaka á verðtryggingarklónni gagnvart félögum sínum (eigendum fjársins) ætla að fara í björgunaraðgerðir í samfloti við atvinnulífið. Þarna sést hversu gáfulegt það er að atvinnurekendur séu að stjórna eftirlaunasjóðum launþega. Hverjum datt það í hug og hvernig stendur á að þetta er svona enn.

Bjarga á fyrirtækjunum

Eiga að skammast sín

Þó smærra sé í sniðum en bankarnir eru öll þessi 'litlu' gjaldþrot sem verða til þegar menn sem berast mikið á fara á hausinn þjóðinni mjög dýr. Þarna eru á ferðinni menn sem allavega virðast við fyrstu sín vera borgunarmenn fyrir þessu. Þeim finnst hinsvegar eðlilegt að velta þessum ævintýrum sínum yfir á breiðu bökin (almenning).

Little Trip í gjaldþrot

Hylja slóðina

Í Lúx byrjar og endar slóð undanskota íslensku víkinganna. Þeir munu allir leggjast á eitt að komast yfir slóðirnar til að varna öðrum aðkomu.

Vilja Kaupþing í Lúxemborg

Magurt er það....

Það er hreinlega bara sárt að fara yfir 'Aðgerða pakkann' fyrir heimilin í landinu. Stolt þeirra sem stjórna er að bjóða smánarlegann afslátt af gríðarlegri hækkun á greiðslubyrði. Þó aðeins til að borga afsláttinn upp seinna. Þetta þýðir að heildarendurgreiðsla verður hærri eftir en ella. Þannig að þeir sem treysta sér til ættu að hafna þessum bjarnargreiða. Í þennann 'Aðgerða pakka' eru engir peningar settir nema fyrir Range Rover eigendur. Þeir fá pening. Aðrir ekki. Ef þetta er það besta sem í boði er og allir hafa beðið eftir er sjálfgefið að hér mun allt ganga af göflunum. Sennilega strax á morgun, svona um þrjú leytið.

Svo er þessu til viðbótar sárar en tárum taki að verða vitni að umfjöllun ríkissjónvarpsins um pakkann góða. Listinn var lesinn upp og búið. Engra viðbragða leitað eða nokkur gagnrýn hugsun eða dæmi tekin. Hinsvegar voru pólitíkusar eltir til útlanda til að kommenta á það að sjálfstæðisflokkurinn flýtir landsfundi. Hverslags vinnubrögð eru þetta.

 Síðasti maður í Leifsstöð slökkvi ljósin, eða kannski bara að láta loga.....

Ný greiðslujöfnunarvísitala tekin upp