Magurt er það....

Það er hreinlega bara sárt að fara yfir 'Aðgerða pakkann' fyrir heimilin í landinu. Stolt þeirra sem stjórna er að bjóða smánarlegann afslátt af gríðarlegri hækkun á greiðslubyrði. Þó aðeins til að borga afsláttinn upp seinna. Þetta þýðir að heildarendurgreiðsla verður hærri eftir en ella. Þannig að þeir sem treysta sér til ættu að hafna þessum bjarnargreiða. Í þennann 'Aðgerða pakka' eru engir peningar settir nema fyrir Range Rover eigendur. Þeir fá pening. Aðrir ekki. Ef þetta er það besta sem í boði er og allir hafa beðið eftir er sjálfgefið að hér mun allt ganga af göflunum. Sennilega strax á morgun, svona um þrjú leytið.

Svo er þessu til viðbótar sárar en tárum taki að verða vitni að umfjöllun ríkissjónvarpsins um pakkann góða. Listinn var lesinn upp og búið. Engra viðbragða leitað eða nokkur gagnrýn hugsun eða dæmi tekin. Hinsvegar voru pólitíkusar eltir til útlanda til að kommenta á það að sjálfstæðisflokkurinn flýtir landsfundi. Hverslags vinnubrögð eru þetta.

 Síðasti maður í Leifsstöð slökkvi ljósin, eða kannski bara að láta loga.....

Ný greiðslujöfnunarvísitala tekin upp

Athugasemdir

[Sigurður M Grétarsson, 15.11.2008 kl. 08:05]

Þegar menn verða fyrir tímabundinni tekjulækkun þá er það leið út úr vandanum að lækka greiðslubyrði lána tímabundið. Hvað annað átti að gara? Láta ríkissjóð greiða mismuninn? Ganga á eignarrétt lánveitanda með því að skikka þá til að gefa afslátt? Stærstu aðilarnir í þeim hópi eru lífeyrissjóðir og skaði þeirra kæmi þá til viðbótar við þann skaða, sem þegar er orðin vegna lækkunar á verði hlutabréfa og þar með valda því að lækka þurfi greiðslur til lífeyrisþega. Það myndi síðan kosta ríkissjóð miklar fjárhæðir í formi hærri greiðslna á tekjutengdum lífeyrisbótum. Höfum í huga að væntanlega eru lífeyrissjóðir meðal stærstu eigenda húsnæðisbréfa Íbúðalánasjóðs og eru þar með í raun lánveitendur í megninu af lánum sjóðsins.